د پوهنې له ډګره د نن ورځې خبرونو لنډيز
ورځ: یکشنبې
نېټه: ۴/۱۴ /۱۴۰۵ ـــ ۱۴۴۸/۱/١۹
۱- د پوهنې وزارت د ښوونکو د روزنې او مسلکي پراختیا ریاست، د ښوونیز نظام کیفیت لوړولو او د بشري ظرفیتونو د پیاوړتیا د موخو د تحقق لپاره، د کابل ولایت پوهنې ریاست په همغږۍ او د پوهنې یوه همکار بنسټ په تخنیکي ملاتړ، د کابل ولایت د ۱۴ ولسوالیو د ښوونځیو مدیرانو او سرښوونکو لپاره د علمي او مسلکي ظرفیت لوړونې پنځه ورځنی تخصصي روزنیز ورکشاپ د چنګاښ میاشتې له ۶مې څخه تر ۱۰مې نېټې پورې ترسره کړ.
۲- پوهنې وزارت، د تحصیلي درجې، کاري تجربې او وړتیا پر بنسټ د غوره او بااستعداده کادرونو ګمارنې په موخه، د ولایتونو او ولسوالیو د ښوونکو د روزنې او مسلکي پراختیا د علمي غړو اړوند ۳۵۴ خالي بستونه د ۲۰ کاري ورځو لپاره د آزادې سیالۍ له لارې په لاندې شرایطو اعلانوي:
۳-د پوهنې وزارت د علمي څېړنو ریاست له لوري د ۱۴۴۷ هـ.ق کال په ترڅ کې د ترسره شويو علمي څېړنو، مقالو او نورو څېړنیزو فعالیتونو د پایلو وړاندې کولو په موخه علمي څېړنیزه ناسته، د ساینس مرکز ریاست د غونډو په تالار کې جوړه شوه.
۴- د هلمند ولایت په ۱۵ ولسوالیو کې د ۱۳۲۰ تنه بېوزلو زدهکوونکو لپاره، د یوه همکار بنسټ په مالي ملاتړ د تقویتي زدهکړو ټولګي جوړ شوي دي.
۵- د هرات ولایت د کرخ، کشک رباط سنګي، پښتون زرغون او گذرې ولسوالیو علمپروره اوسېدونکو، شاوخوا ۴.۵ جریبه ځمکه چې ارزښت یې له ۲ میلیونه او ۱۲۰ زره افغانیو څخه زیات دی، پوهنې وزارت ته ډالۍ کړه.
