د لغمان د پوهنې ریاست کارکوونکو ته د ظرفیت لوړونې ورکشاپ جوړ شو
پوهنې وزارت_لغمان: د لغمان د پوهنې ریاست ۲۵ تنو کارکونکو ته د ظرفیت لوړونې دوه ورځني ورکشاپ جوړ شو.
یاد ورکشاپ د پوهنې وزارت د بشری سر چینو عمومی ریاست له خوا او لغمان پوهنې ریاست په همکاري جوړ شوی دی، چې د ولسوالیو دپوهنې امرینو او د معاشاتو او تشکیل کارکوونکو ته د معاشاتو د اجرا او تشکیل په برخه کې روزنه ورکول کیزی.
د لغمان د پوهنې رییس عبدالله حمیدی د یاد ورکشاپ د پیل پر مهال وویل، چې د دغه ورکشاپ د جوړولو موخه د کارکوونکو وړتیا لوړول دي. هغه زیاته کړه، چې د خپل کلني کاري پلان له مخې د پوهنې کارکوونکو او ښوونکو د وړتیاوو لوړولو او روزنې ته خاصه پاملرنه کړې ده.
د لغمان د پوهنې ریاست د روان کال له پیله خپلو کارکوونکو ته د ظرفیت لوړولو لپاره ځانګړي روزنیز ورکشاپونه په لاره اچولي دي.
