په هرات ولایت کې د ښوونځیو مسئولینو لپاره ورکشاپ پیل شو
د "اغېزمنې زدهکړې ترویج" تر سرلیک لاندې د وړتیا لوړولو پنځه ورځنی ورکشاپ، د هرات ولایت د ښار او زندهجان، رباط سنګي او غوریان ولسوالیو د ښوونځیو د ۸۵ تنو مدیرانو او سرښوونکو لپاره پرانیستل شو.
د هرات ولایت پوهنې رئیس محترم مولوي رحمت الله جابر وویل: "د داسې پروګرامونو پیل د ښوونکو تدریسي کیفیت په لوړولو کې کلیدي رول لوبوي او ګډونوال دنده لري، تر څو د تدریس په برخه کې له دې تعلیمي پروګرامونو څخه ترلاسه شوي مهارتونه او تجربې پلي کړي."
د یادونې وړ ده چې یاد ورکشاپونه د پوهنې سره همکارو بنسټونو لخوا تمویل شوي دي.
