د پوهنې وزارت خبرتیا
د هېواد د سړو سیمو-- ولایتونو د مدارسو، دارالحفاظونو، دارالعلومونو او ښوونځیو د څلور نیم میاشتنیو آزموینو او رخصتیو په تړاو"
"د پوهنې وزارت خبرتیا "
د پوهنې وزارت د اساسي او ثانوي زده کړو د لایحې له مخې ټاکل شوې ده، چې د هېواد په سړو سیمو--ولایتونو کې د مدارسو، دارالحفاظونو او دارالعلومونو په شمول، د رسمي او خصوصي ښوونځيو څلور نيم مياشتنۍ آزموينې په لاندې ډول پيل او پاى ته ورسېږي:
۱- د هوا د تودوخې د لوړوالي له امله د مدارسو، دارالحفاظونو او دارالعلومونو په شمول د رسمي او خصوصي ښوونځیو طالب العلمان او زدهکوونکي د روان کال د چنګاښ میاشتې له (۱۱مې) نېټې څخه تر (۱۵ مې) نېټې پورې چې د ( ۱۴۴۷/۱/۶ هـ ق ) سره سمون خوري، د (۵ ) ورځو لپاره رخصت دي.
۲- د سړو سیمو - ولايتونو د مدارسو، دارالحفاظونو او دارالعلومونو په شمول د رسمي او خصوصي ښوونځيو له لومړي څخه تر څوارلسم ټولګي پورې څلور نيم مياشتنۍ آزموينې، د چنګاښ ماشتنې له ۱۶ مې نېټې څخه چې د ۱۴۴۷هـ ق کال د محرم میاشتې له ۱۱ مې نېټې سره سمون خوري پیل او د همدې میاشتې تر پایه پورې به دوام ولري.
۳- د یادو ولایتونو په مدارسو، دارالحفاظونو، دارالعلومونو سربېره، د رسمي او خصوصي ښوونځيو د اوړي رخصتۍ، د ۱۴۰۴ لمریز کال د زمري میاشتې له (۱) نېټې څخه چې د ۱۴۴۷ هـ ق کال محرم میاشتې له ۲۷ مې نېټې سره سمون خوري پیل او د ۱۴۰۴ لمریز کال د زمري میاشتې له (۱۱) مې نېټې څخه چې د ۱۴۴۷ هـ ق کال د صفر میاشتې (۸ مې) نېټې سره سمون لري، په ذکر شویو ولایتونو کې د تعلیمي مرکزونو درسونه بېرته پیلېږي.
د ټولو تعلیمي ادارو مسئولین، ښوونکي او زدهکوونکي مکلف دي، چې د اوړي تر رخصتیو وروسته د زمري میاشتې په ۱۲مه نېټه پرته له ځنډ یا غیر حاضرۍ څخه خپلو درسونو ته حاضر شي.
والسلام
د پوهنې وزارت
د نشراتو او عامه اړیکو ریاست
