مساعدت به شاگردان بی سرپرست در ولایت لغمان

وزارت معارف، لغمان: از طرف موسسه HHRD به شاگردان یتیم وبی سرپرست مکاتب مربوط ولایت لغمان مواد خوراکی مساعدت گردید.

مواد خوراکی مساعدت شده شامل آرد، برنج ، لوبیا، نمک، روغن، بوره وخرما می‌باشد که طی محفلی به ۱۷۶ تن از شاگردان بی سرپرست توزیع گردید.

شاه ولی نقشبندی مدیر عمومی نشرات ریاست معارف لغمان ضمن سپاسگزاری از کمک‌های موسسه یاد شده، خواستار حمایت‌های هر چه بیشتر شان در عرصه معارف گردید.

عبیدالله فیصل رییس موسسه یاد شده به نمایندگی از مسوولین موسسه متذکره پشتیبانی شان را از ریاست معارف اعلام نموده افزود که به همکاری‌های شان با ریاست معارف ولایت مذکور ادامه خواهند داد.