د پوهنې محترم وزیر لخوا په کونړ ولایت کې د څه کم ۱۸ مېلیونه افغانیو په لګښت د یو باب ښوونځي نوې ودانۍ پرانیستل شوه
د پوهنې وزیر محترم الحاج مولوي حبیب الله آغا کونړ ولایت ته د خپل رسمي سفر په ترڅ کې، مرکز اسد آباد ښار اړوند د برساګي په سیمه کې یو باب لومړنی ښوونځی پرانیست.
په دغه پرانیستغونډه کې د پوهنې پر محترم وزیر سربېره، د کونړ پوهنې رئیس، د علماوو شورا رئیس، یو شمېر ا.مارتي مقاماتو او قومي مشرانو ګډون درلود.
په یادو مراسمو کې، د پوهنې محترم وزیر د ښوونې او روزنې په اهمیت ټینګار وکړ او ویې ویل چې باکیفیته تعلیمي مرکزونه د ټولنې د هراړخیز پرمختګ یوازني بنسټونه دي.
ورپسې د کونړ ولایت پوهنې رئیس محترم مولوي محب الله حیدري وویل چې دغه اداره هڅه کوي ترڅو په لېرې پرتو سیمو کې نور تعلیمي مرکزونه هم جوړ کړي.
د ښوونځي دغه ودانۍ چې د نږدې ۱۸ مېلیون افغانیو په لګښت د یوې تعلیمي همکارې ادارې په مالي مرسته جوړه شوې، ۱۲ درسي ټولګي، ۴ اداري خونې او نور اړین ملحقات لري، چې په پایله کې يې شاوخوا ۱۷۵۰ تنو زدهکوونکو ته مناسب تعلیمي چاپېریال برابر شو.
