د ډاډګیرنې پیغام
د افغانستان د معارف يو بل ستورى هم پريوت
په ډيرې خواشينۍ مو خبر ترلاسه کړ چې د ساينسي علومو تکړه ښوونکي نظر زلمى د ورپيښې ناروغۍ له امله په حق رسيدلى.
(انا لله و انا الیه راجعون)
استاد نظر زلمي يوه تکړه، مجرب او په ريښتينې مانا استاد وه، نوموړي د خپل عمر ډير کلونه د هيواد د بچيو په روزنه تير کړ او په دې توګه يې د هيواد معارف او راتلونکي نسل ته نه هيريدونکي خدمات وکړل.
پوهنې وزارت د استاد نظر زلمي مرګ، د هيواد د معارف کورنۍ ته يوه ستره ضايعه ګڼي او کورنۍ ته يې د زړه له کومي تسليت وړاندې کوي او په دې ستر غم کې له دوى سره ځان شريک ګڼي، مرحوم ته د خداى پاک له درباره فردوس جنت او کورنۍ ته يې د زړه صبر غواړي.