پکتیکا ولایت کې د ۱۲ مېلیونه افغانیو په لګښت د ۲ بابه ښوونځیو جوړولو چارې پیل شوې
د پکتیکا ولایت نعمت آباد ولسوالۍ اړوند د سرکو بازار او منزو پتاو لومړني ښوونځي، چې ټولټال د ۱۲ مېلیونه افغانیو په لګښت د افغانستان.ا.ا. عالي مقام د مشرتابه د ځانګړې بودیجې څخه جوړېږي، د یاد ولایت پوهنې مسئولینو په ګډون د یوې غونډې په ترڅ کې پیل شوې.
پورته ذکر شوې ودانۍ، چې هره یوه یې ۸ درسي خونې، یو احاطوي دېوال، د څښاک پاکو اوبو ته لاسرسی او نور اړین ملحقات لري، د یادې سیمې د ماشومانو لپاره د لازیاتو تعلیمي آسانتیاوو برابرولو په موخه جوړېږي.
د یادونې وړ ده چې زده کونکو، ښوونکو او د سیمې اوسېدونکو د یادو ودانیو د پیل څخه خوښي څرګنده او د تعلیمي آسانتیاوو برابرولو په برخه کې یې د پوهنې وزارت له فعالیتونو ستاینه وکړه.
