د کونړ ولایت په ښوونځیو کې د درسي کتابونو وېش بهیر پیل شو
د کونړ ولایت په ۴۴۰ بابه ښوونځیو او ۱۱ بابه دیني مدارسو کې د ۴۰ مېلیونه او ۲۰۰ زره افغانیو په لګښت د کتابونو او درسي موادو وېش پروسه، د چارواکو او پوهنې مسئولینو په حضور کې پیل شوه.
د یاد ولایت د پوهنې رئیس محترم مولوي محب الله حیدري په وینا، پورته ذکر شوي تعلیمي مواد د یوې همکارې ادارې لخوا پوهنې ریاست ته ورکړل شوي او په وېش سره به یې شاوخوا ۷۹ زره زدهکوونکي د کتابونو او درسي موادو څخه ګټه پورته کړي.
په مرسته شویو درسي موادو کې خېمې، سپینې تختې، د کتابونو او قرطاسیې کڅوړې او نور تجهیزات شامل دي، چې د یاد ولایت په مرکز او ولسوالیو کې به تعلیمي ادارو ته واستول شي.
