د پوهنې وزارت د ښوونیز نصاب او د ښوونکو مسلکي پراختیا لوی رئیس نورستان ولایت ته په رسمي سفر لاړ
د پوهنې وزارت د ښوونیز نصاب او د ښوونکو مسلکي پراختیا لوی رئیس محترم الحاج مولوي اول ګل ایوبي په مشرۍ یو پلاوي نورستان ولایت ته سفر وکړ او هلته یې د پوهنې ریاست له چارواکو او مسلکي پراختیا ښوونکو سره وکتل.
په یاده غونډه کې د ښوونیز نصاب ښهوالي، د ښوونکو مسلکي وړتیاوو پر لوړولو، د تدریسي موادو اغېزمن پلي کولو او د زدهکړې کیفیت لاپیاوړتیا په اړه هراړخیز بحثونه وشول.
د نورستان پوهنې ریاست تدریسي مرستیال د پوهنې وزارت له پلاوي څخه د هرکلي تر څنګ ټینګار وکړ، چې دغه ډول علمي او مسلکي سفرونه د تعلیمي بهیر په پیاوړتیا کې اغېزمن رول لوبوي.
د یاد سفر په جریان کې، پلاوي د مرکز او کانتوا ولسوالۍ له څو ښوونځیو څخه لیدنه وکړه، د تدریس بهیر، د زدهکړې چاپېریال او د زدهکوونکو وضعیت یې له نږدې وڅېړه او له ښوونکو او زدهکوونکو سره یې د هغوی د ستونزو او اړتیاوو په اړه خبرې وکړې.
د پوهنې وزارت د ښوونیز نصاب او د ښوونکو مسلکي پراختیا لوی رئیس د ښوونکو له هڅو ستاینه وکړه او ډاډ یې ورکړ چې پوهنې وزارت به د نصاب معیاري کولو او د ښوونکو مسلکي وړتیاوو لوړولو لپاره خپلې هڅې لاپسې زیاتې کړي.
