امریکا ته د پوهنې وزیر سفر/4

پوهنې وزیر ډاکتر بلخي په نیویارک ښار کې د میشتو افغانانو سره لیدنه وکړه .

پوهنې وزارت- نیویارک:پوهنې وزیر ډاکتر محمدمیرویس بلخي امریکا ته د خپل سفر په دوام کې د میشتو افغانانو سره لیدنه او خبرې اترې وکړي.
دا لیدنه چې په نیویارک ښار کې د افغانستان جنرال قونسولګري له لوري جوړه شوي وه؛ پوهنې وزیر ډاکتر بلخې؛ پوهنې وزارت یې یو ولسي او غیر سیاسي بنسټ یاد کړ او په نیویارک کې د میشتو افغانانو څخه (په افغانستان کې د ښوونیزو خدمتونو ښه والي او لوړوالي لپاره د سواد زده کړې، د ماشومانو ښوونې او روزنې څخه ملاتړ او د ښوونځيو جوړولو او بیارغولو څخه ) د ملاتړ غوښتونکۍ شو.
پوهنې وزیر د دې غونډې ګډون کوونکو ته د ښوونې او روزنې پرمختګونو او شته ستونزو په اړه معلومات وړاندې کړل او له هغوي څخه يې وغوښتل چې د هغو ماشومانو لپاره چې د مالي ستونزو له امله ښوونځې ته نشي تلای مالي مرسته وکړي.
پوهنې وزارت مشرتابه ۳.۷ ملیونه له ښوونځي څخه بهر ماشومانو په ځانګړي ډول یتیم او هغه ماشومان چې اقتصادي ستونزې لري پاملرنه یوه اړتیا یاده کړه او پوهنې وزارت ښوونځې ته د یادو ماشومانو د شاملیدو له هڅو څخه خبر ورکړ.
د نیویارک میشتو افغانانو استازو په دې لیدنه کې، د پوهنې وزارت کارونه او لاسته راوړنې مثبتې او بریالۍ وبللي او د ډاکتر بلخي له وړاندیزونو ځخه د هرکلي ترڅنک ژمنه وکړه چې د پوهنې وزارت سره به د ښوونځي څخه بهر ماشومانو د شاملیدو په برخه کې مالي او معنوي مرسته او همکاری وکړي.
د یادونې وړ ده چې پوهنې وزیر د High Level Steering Group Meeting په غونډه کې چې د ECW(زده کړه انتظار نه کوي) بنسټ په کوربتوب د سپتمبر په ۲۴ او ۲۵ نیټه تر سره شو، امریکا ته سفر کړي دي.