د افغانستان اسلامي ا/مارت د ریاستالوزراء د عالي مقام د حکم پر بنسټ، محترم مولوي عبدالحق حقاني د میدان وردګ ولایت د پوهنې د نوي رئیس په توګه معرفي او رسماً یې خپله دنده پیل کړه
نوموړى د پوهنې وزارت د تضمین کیفیت محترم معین، الحاج مولوي عبدالخالق صادق له لوري په یوه غونډه کې د میدان وردګ ولایت د پوهنې رئیس په توګه معرفي شو.
د پوهنې وزارت د تضمین کیفیت محترم معین په یادو مراسمو کې وویل، بدلون او تبدیل د ښې حکومتولۍ له اساسي اصولو څخه دي او د پوهنې برخه هم باید د وړ او تجربهلرونکو کسانو له لوري په ښه ډول مدیریت شي.
نوموړي زیاته کړه چې د افغانستان خلکو د اسلامي نظام د حاکمیت لپاره سترې قربانۍ ورکړې دي او اوس مسوولین مکلف دي چې د پوهنې په برخه کې هم خلکو ته صادقانه او اغېزمن خدمتونه وړاندې کړي.
ورپسې د میدان وردګ ولایت د پوهنې نوې رئیس په خپلو خبرو کې د مشرتابه له باور څخه مننه وکړه او د پوهنې مسوولیت یې ستر او دروند وباله.
نوموړي د چارو لا ښه پرمخ وړلو لپاره د پوهنې ریاست له کارکوونکو او ولایتي ادارو څخه د همکارۍ غوښتنه وکړه.
