د پنجشیر له پوهنې ریاست څخه خبرونه
د پنجشير ولايت د پوهنې رئيس مولانا غلام ایشان حماس وايي : په دې وروستيو وختو کې د پوهنې وزارت له خوا دغه ولايت ته شل زره ټوکه درسي کتابونه استول شوي دي چې ټاکل شوې له احصایوي معلوماتو وروسته د دغه ولايت په ښوونځيو ووېشل شي.
د پنجشیر ولایت د پوهنې رئیس د دغه ریاست له آمرینو او مدیرانو سره مشورتي ناسته وکړه، د پوهنې ریاست د دندو او ننګونو په باب یې ورسره خبرې وکړې او د ښوونځیو په کچه یې د تشکیلاتي جوړښت د عملي کولو په اړه هم ورسره سلا مشورې وکړې.
د پنجشير ولايت د پوهنې رياست اداري غونډه د دغه رياست داسلامي زده کړو د آمر تر څارنې لاندې د رخه ولسوالۍ د جامع الانوار په دارالعلوم کې جوړه شوه .
په دې غونډه کې د ښوونځیو او دیني مدارسو د ۱۴۰۲ کال لپاره د عملیاتي پلانونو د جوړښت او عملي کولو، د کاري راپورونو د جوړښت، په ښوونځیو کې د نویو ماشومانو د شاملولو، دیني مدارسو او دارالعلومو ته د شتمنو کسانو د مرستو د جلبولو او د یو لړ نورو مهمو موضوعاتو په باب خبرې وشوې.
د پنجشیر ولایت د پوهنې ریاست مشورتي غونډه د دغه ریاست د مالي او اداري آمر تر څارنې لاندې جوړه شوه.
د دې غونډې برخه والو د ۱۴۰۲ ښوونیز کال د عملیاتي پلانونو د جوړښت او پلي کولو او همدارنګه په دې ریاست کې د راپور ورکولو د څرنګوالي په باب خبرې وشوې.
