د پوهنې وزارت د اسلامي تعلیماتو معین د فاریاب ولایت له تعلیمي بهیر څخه لیدنه وکړه
د پوهنې وزارت د اسلامي تعلیماتو د معین الحاج مولوی کرامت الله اخندزاده په مشرۍ هیئت د فاریاب ولایت ته د خپل سفر په ترڅ کې د یاد ولایت له مرکزي جهادي مدرسې، مرکزي دارالایتام، د امام ابوحنیفه رحمه الله او ابومسلم خراساني له دارالعلومونو څخه لیدنه وکړه.
نوموړي په یاد سفر کې د یادو تعلیمي مراکزو له مسئولینو، استادانو او زده کوونکو سره نږدې ولیدل، د هغوی وړاندېزونه یې واورېدل او له خصوصي مدارسو او مرکزي دارالایتام سره یې نقدي مرسته هم وکړه. یادو مسئولینو ته یې سپارښتنه وکړه چې د پوهنې وزارت نصاب باید په ټولو مدارسو په منظم ډول تطبیق او ازموینې دې د ټاکلي مهال وېش مطابق واخیستل شي.
نوموړي په یاد سفر د فاریاب ولایت له والي، مرستیال، د پوهنې رئیس، د ولسوالیو د پوهنې آمرینو، علماوو او مخورو سره هم وکتل او د هغوی وړاندیزونه یې واورېدل.
