د پوهنې وزارت د دعوت او ارشاد ریاست پلاوي د کابل ښار له يو شمېر لېسو څخه لیدنه وکړه
د پوهنې وزارت د دعوت او ارشاد رياست د ځانګړي پلان له مخې، نن د یاد ریاست پلاوي د کابل ښار له پوهاند عبدالشکور عالي لېسې او د بګرامي ولسوالۍ د يوشمېر خصوصي ښوونځيو څخه د ليدنې پرمهال، ښوونکو او زده کوونکو ته دیني ارشادات وړاندې کړل.
همدارنګه یاد پلاوي د ټولنې په اصلاح کې د دیني لارښوونو پر رول هراړخیزې خبرې وکړې، ښوونکو او زده کوونکو ته یې لارښوونه وکړه، چې په خپلو ورځنیو چارو کې د اسلام د ستر پیغمبر حضرت محمد «صلی الله علیه وسلم» سنت او تګلاره عملي کړي.
د يادو لېسو مسئولينو د پوهنې وزارت د دعوت او ارشاد ریاست د لارښوونو هرکلى وکړ او ژمنه يې وکړه، چې د یاد وزارت د مشرتابه او د دغه رياست له لارښوونو سره سم به خپلې ورسپارل شوې چارې پرمخ وړي او د دیني درسونو په حلقو کې به په جدي ډول برخه واخلي.
