د پوهنې وزارت د کیفیت تضمین معینیت پلاوی پروان ولایت ته په رسمي سفر ولاړ
د پوهنې وزارت د کیفیت د تضمین معینیت د معیاري آزموینو او تعلیمي ارزونې ریاست پلاوی د یوه رسمي سفر په ترڅ کې پروان ولایت ته ولاړ.
په پيل کې یاد پلاوي د پروان ولایت له پوهنې رئیس مفتي محمد حسن حقاني سره وکتل او د یاد ولایت د زده کوونکو د ښوونیزې سویې معلومول او د هغوی د تېرو آزموینو ارزونه یې له خپلو اساسي موخو څخه وبلله.
د پروان پوهنې رئیس مفتي محمد حسن حقاني د یاد پلاوي حضور ته ښه راغلاست ووایه او د لازمو همکاریو او آسانتیاوو د برابرولو ژمنه یې وکړه.
په پام کې ده چې پلاوی به د یاد ولايت ستونزې وڅېړي او د خپلو کارونو پايلې به د پوهنې وزارت له مشرتابه سره شريکې کړي.
