د پکتیا دکندرخېلو په ښوونځي کې یو باب جومات پرانیستل شو
د پو هنې وزارت، پکتیا: پکتیا ولایت د سید کرم ولسوالۍ د کندر خیلو په ښوونځي کې یو باب جومات پرانیستل شو.
په هغه غونډه کې چې د کندر خېلو د عالي لیسې په انګړ کې جوړه شوې وه، د پکتیا ولایت د پوهنې رییس استاد کوچي ځاځي د جومات جوړول د پوهنې وزارت یوه اسلامي هڅه وګنله او له زده کوونکو یې وغوښتل چې د جومات ساتنې او پاکوالي ته جدي پاملرنه وکړي.
کوچي ځاځي د ملي سوداګرو او ځایي اوسیدونکو د مرستې او همکارۍ نه مننه او قدردانی وکړه چې د جومات په جوړولو کې یې فعاله او مالي برخه اخیستې ده.
د پوهنې رییس زیاته کړه: " که موږ د عصري علومو ترڅنګ دیني علوم زده کړو، موږ کولای شو له شته ستونزو څخه لرې شو" او د دیني زده کړو ترټولو خوندي او مقدس ځایونه جوماتونه دي، موږ پلان لرو چې د پکتیا ولایت په ټولو ښوونځیو کې جوماتونه جوړ کړو او پدې برخه کې به خپلې هڅې ترسره کوو.
