لغمان کې د یو ښوونځي د جوړېدو چارې پیل شوې

د پوهنې وزارت_لغمان: د لغمان ولایت د قرغيو ولسوالۍ د قرغيو دنجونو ښوونځي د ودانۍ بنسټ ډ‌بره د والي محمد اصف ننګ ، پوهنې رییس عبدالله حمیدی او یو شمېر نورو چارواکو په ګډون کېښودل شوه .
د یاد ښوونځي ودانۍ ، په پاخه او اساسي ډول په دریو پوړنو کې د دوو کلونه په موده کې د شاوخواه ۲۲ میلونو افغانیو په لګښت دافغانستان د پراختیایی بودجې څخه جوړیږي، چې۲۴ درسي ټولګي، ۱۰ تشنابونه، داحاطي دیوار او نورې اړوندې ټولې ښوونیزې آسانتیاوې به ولري.
د لغمان والي محمد اصف ننګ د ښوونځي د بنسټ ډبرې ایښودو په تړاو جوړو شویو مراسمو کې وویل، چې ددې ولایت د پوهنې ودې او پرمختګ ته جدي پاملرنه کوي.
. نوموړي دغه راز له ټولو هغو کسانو مننه وکړه، چې په دې ولایت کې د پوهنې د ودې او پیاوړتیا لپاره کار کوي.
د پوهنې رییس د سیمې خلکو ته په خبرو کې ډاډ ورکړ، چې ددې ولایت د نجونو زده کړو ته ځانګړې پاملرنه کوي او موخه یې داده، چې ټول ماشومان په مساوي ډول زده کړو ته لاسرسی ومومي.
د یادولو وړ ده، چې د ښوونځي د نوې ودانۍ له جوړېدو او پرانېستو سره به د یادې سیمې سلګونو نجونو زده کوونکو ته د زده کړو خوندي درسي چاپېریال برابر شي