د هرات له پوهنې ریاست څخه خبرونه
د هرات د پوهنې ریاست د کارکوونکو لپاره د قرآن کریم د تلاوت او تفسیر پروګرام جوړ شو.
د هرات ولایت پوهنې رئيس مولوي عبدالله اميني وويل
: د دغه پروګرام له ترسره کېدو يې موخه د خلکو په ورځني ژوند کې د قران کريم پر ګټو او اغېزو پوهېدل دي او همدارنګه د دا ډول پروګرامونو ترسره کول يې ګټور او ارزښتناک وبلل.
په هرات ولایت کې د خواجه محراب الدین جامي منځنی ښوونځی لیسه شوه. چې په همدې مناسبت یوه ستره غونډه جوړه شوې وه.
په دې غونډه کې د یاد ولایت د پوهنې رئيس او مشرتابه، علماوو، د خلکو استازو او د سيمه ييزو شوراګانو مسوولينو او زده کوونکو برخه لرله.
په غونډه کې د پوهنې رئیس د ښوونې او روزنې پر ارزښت د خبرو په ترڅ کې علمي بنسټونه یې د هېواد د پرمختګ په برخه کې مهم وبلل او زياته يې کړه . پوهنې وزارت هڅه کوي چې د ټولنې ټولو وګړو ته د زده کړو ښه چاپیریال برابر کړي.
د اسلامي امارت د ۴۰۰ مجاهدینو څخه د لسم او یوولسم ټولګيو د سویې ازموینه د هرات ولایت د پوهنې د رئیس مولوي عبدالله امیني په مشرۍ د ټاکل شوي کمیسیون تر څارنې لاندې د نخبګانو لیسې په تالار کې واخیستل شوه.
د هرات پوهنې رئیس وویل، چې دغه پروسه د مجاهدینو د زحمتونو او هڅو په موخه په لاره اچول شوې ده او په پای کې د دې ازموینې ګډونوالو ته د بریالیتوب هیله وکړه.
د ښوونې او روزنې آمر مولوي عبدالجلیل مزمل او ورسره پلاوي د پیام توحید خصوصي ښوونځي او د هاتفي د نجونو او هلکانو لېسې څخه لیدنه وکړه او د چارو د لا ښه والي په موخه یې اړوندو مسوولینو ته لارښوونه وکړه.
روض الدین اسحاقي په دې وروستيو کې د هرات ولايت د ښوونکو د مسلکي ودې د آمر په توګه وټاکل شو او د دغه رياست د ښوونې او روزنې د آمر له خوا د يو لړ مراسمو په ترڅ کې کارکوونکو ته ور وپېژندل شو.
نوموړي د دې آمریت د پخواني آمر جمعه خان اسلامپال د دندو يادونه وکړه او د دې آمریت نوي آمر ته يې د دندو په ترسره کولو کې د برياليتوب هيله وکړه.
