په ميدان وردګ ولایت کې د یو باب دیني مدرسې او ښوونځي د بنسټ ډبره کېښودل شوه
د ميدان وردګ ولایت جغتو ولسوالۍ اړوندو کې د سرورکاينات ښوونځي او يو باب دیني مدرسې لپاره د بنسټ ډبره، د یاد ولایت د پوهنې ریاست مشرتابه، دیني علماوو او قومي مخورو په حضور کې کېښودل شوه.
د جغتو ولسوالۍ پوهنې آمر وویل: د يادو ښوونيزو بنسټونو د بنسټ ډبره د خلکو په مالي مرسته په ۱۰ جرېبه ځمکه کې کېښودل شوه او ټاکل شوې ده، چې د جوړېدو چارې یې د دغه ولايت د پوهنې رياست له لوري بشپړې شي.
د پوهنې مسئولینو د څرګندونو له مخې: د سرور کاينات ښوونځی ۱۴ درسي او اداري خونې لري، چې د جوړولو چارې به يې په نيږدې راتلونکي کې پيل شي.
ورپسې دیني علماوو هم د اسلام له نظره د علومو په ارزښت خبرې وکړې او د پوهنې وزارت له پروګرامونو او پلانونو یې خپل مادي او معنوي ملاتړ اعلان کړ.
