د پکتیکا د پوهنې ریاست د دریمو او څلورمو خالي بستونو لپاره ازموینه واخېستل شوه
د پکتیکا ولایت د پوهنې ریاست د ۱۶خالي بستونو د ډکولو لپاره د آزادې سیالۍ له لارې له ۷۳کسانو څخه آزموینه واخیستل شوه.
هغه غونده، چې د نوموړې ازموینې د اخیستلو په موخه د یاد ولایت د ښوونکي دروزنې د غونډو په تالار کې جوړه شوي وه ، دپوهني رییس استاد انجینر محراب الدین شفق ، د اداری اصلاحاتوکمیسیون مسوولینو او د ولایتي شورا غړو ګډون درلود.
د پکتیکا د پوهنې رییس انجینر محراب الدین شفق د ازموینې ګډونوالو ته د بشپړ شفافیت ډاډ ورکړ او ژمنه یې وکړه،چې هېچا ته به د مداخلې حق ور نه کړي او ټول کسان به په خپل استعداد یادو بستونو ته ټاکل کېږي.
دغه ازموینه د پوهني وزارت د مقام د لار ښووني سره سم دیوي څانکړې کمیتې په حضور کې له شرایطو سره برابر دڅلوروښځینه په شمول ۷۳ تنو پکي ګډون کري و واخیستل شوه، چې له
ازموینې دنتایجو له اعلانولو وروسته به۱۶ تنه دبریالیتوب په صورت کي په دریمو اوڅلورمو بستونو کې په دندو وګمارل شي.
دیاد ونۍ وړ ده، چې د روان کال له شروع تر اوسه پورې په نوموړي ریاست کې د آزادې سیالۍ له لارې یو شمیر کسان په دندوګمارل شویدي.
