د لغمان د دوو ښوونځيو سره د لابراتواري وسایل او مواد و مرسته وشوه
د لغمان ولایت د مرکز اړوند د دوو ښوونځیو سره دپارساموسسی په مالی لګښت ۱۲۰۰۰۰ افغانیو په ارزښت د لا براتواري وسایلو مرسته وشوه .
په هغه غونډه کې چې له همدې امله جوړه شوي وه د لغمان دپوهنې رییس عبدالله حمیدی دپارسا موسسی د همکاریو څخه مننه وکړه او دپوهنې په برخه كې یې دیادې موسسي د لازياتو همكاريو غوښتونكى شو.
د پوهنې رییس وویل، په مرسته شوي لابراتواری وسایلو کې د لابراتوار ۱۲۳ قلمه مواد او وسایل شامل دي ، چې د مهتر لام ښار د کتب زایو هلکانو او دچلمټیو نجونو ښوونځیو واداري ته تسلیم شول.چې د یادولابراتواری وسایلو څخه به د دواړو ښوونځیو ۹۳۰ تنه زده کوونکي دعملي زده کړو په ور ښوودلو کې ګټه واخلی .
همدا راز دپارسا موسسی مسول محمد موسم عارف وویل: چې په نژدې راتلونکي کې به د څارندویانو د ټیمونو لپاره لباس او د ولسوالیو او مرکزي ښوونځیو سره به د لابراتوار موادو مرسته وکړي.
