افتتاح تعمیر اداری ریاست معارف ولایت سرپل

وزارت معارف، سرپل: تعمیراداری ریاست معارف ولایت سر پل طی محفلی با حضور عبدالقادر آشنا والی ولایت، احمد خان بیگزاده رییس معارف، تعدادی از اعضای شورای ولایتی، مسوولین ادارات دولتی، متنفذین قومی وکارمندان معارف با قطع نوار افتتاح وبه بهره برداری سپرده شد.

عبدالقادرآشنا والی سرپل با ابراز قدردانی ازکارکردهای ریاست معارف طی سخنرانی معارف را ستون فقرات یک کشوردانسته افزود دیگر کارمندان معارف ازنبود جای بامشکل روبرو نخواهد شد وبرعرضه خدمات بهتربرای مراجعین تاکید ورزید.

احمد خان بیگزاده رییس معارف سرپل ضمن سپاسگزاری ازهمکاری‌های همه جانبه مقام ولایت بیان داشت که تعمیراداری ریاست معارف بصورت پخته واساسی درچهار طبقه به ارزش بیش از ۲۱ میلیون افغانی از کمک‌های بلاعوض وبشر دوستانه کشور دوست هندوستان اعمار گردیده است، که دارای ۲۸ اتاق اداری و سایر ملحقات آن می‌باشد که با اعمار تعمیر متذکره مشکل کارمندان معارف از ناحیه نبود اتاق‌های اداری مرفوع خواهد گردید.