د خوست د پوهنې رییس د ولسي همکاریو پر دوام ټینګار وکړ
د پوهنې وزارت_خوست: د خوست د پوهنې رییس نصیر احمد روښان د مشعل خصوصي عالي لېسې د زده کوونکو نتایجو د اعلان په غونډه کې د زده کوونکو له والدینو یو ځل بیا وغوښتل چې د پوهنې له ملي بهیر سره همکاري وکړي.
ده وویل، ولسونه تر بل هر وخت د معارف پر ارزښت پوهیدلې دي، سږ کال یې د ۱۳ میلیونو افغانۍ په ارزښت همکاري کړیده خو معارف خورا ستر بهیر دی تر دې څو چنده زیاتې همکارۍ ته اړتیا لري.
پوهنې رئیس وویل، خوست پوهنې ریاست له معارف وزارت سره د ولسي همکاریو له پلوه لومړۍ درجه ولایتونو کې ګڼل شویدی خو دا همکاري باید لا نور هم داوم پیدا کړي.
ښاغلی روښان وویل د نصاب د کتابونو په اړه وویل، پوهنې ریاست ته شاوخوا ۴۰۰ زره جلده د ابتدائیه دورې کتابونه را رسیدلې دي. خو دا کتابونو بسنه نه کوي په متوسطه او لېسه دوره کې لا هم د کتابونو له جدي کمښت سره مخامخ یو ده وویل په دې اړه موږ یو ولسي کمپاین شروع کړیدی چې په کورونو موجود د نصاب اضافي کتابونه را ټولوو، له دوی یې وغوښتل چې په دې برخه کې همکاري ورسره وکړي او دغه کتابونه خپلو نیږدې ښوونځیو ته وسپاري.
پوهنې رئیس د مشعل لېسې د زده کوونکو نوښتونه وستایل او زیاته یې کړه چې خصوصي او دولتي لېسې دواړه ورته د معارف د دوو سترګو مثال لري او د پرمختګ لپاره برابرې هڅې کوي.
