د افغان-ترک ښوونځيو د بنسټ پلاوي د پوهنې وزارت د ښوونکو د مسلکي ودې او ښوونيز نصاب له لوی رئیس سره وکتل

media-moe
سه‌شنبه ۱۴۰۲/۶/۲۸ - ۱۲:۱۰
12

د افغان-ترک ښوونځيو بنسټ د یاد بنسټ د مالي او اداري مرستیال مراد قوجي عبدالصمد په مشرۍ پلاوي د ښوونکو د مسلکي ودې او ښوونيز نصاب د لوی رئيس الحاج مولوي اول ګل ايوبي سره وکتل.
غونډه د قرآن کريم په څو مبارکو آیتونو سره پیل شوه.
 ورپسې د یاد بنسټ اداري مرستیال په افغانستان کې د خپلو کارونو په اړه وویل؛ د افغان- ترک ښوونځيو بنسټ یوازینی بنسټ دی چې د افغانستان. ا.ا په لاس د کابل له فتحې وروسته يې خپل فعاليتونه نه دي بند کړي او دوام لري.
نوموړي زیاته کړه؛ د ياد ښوونيز بنسټ پروګرامونه د نړۍ په 90 هیوادونو کې پلي کیږي، چې اوس وخت کې د نړۍ په 54 هېوادونو کې فعال ښوونځي لري.
هغه ومنله چې د ياد بنسټ ښوونځي د افغانستان په ۸ ولایتونو کې فعالیت لري او له دې لارې ۱۰۰۰ افغانانو ته د کار زمینه برابره شوې چې په ترڅ کې يې زده کوونکو ته سل وړیا او نیمه وړیا بورسونه هم ورکول کیږي.
نوموړي دغه راز ژمنه وکړه، چې د ترکيې د پوهنې ښوونيز نصاب ټول ٢٢ درسي کتابونه لري او دوى چمتو دي، چې ياد کتابونه د افغانستان په ملي ژبو وژباړي او د پوهنې وزارت ته يې وسپاري.
ورپسې د پوهنې وزارت په استازیتوب د ښوونکو د مسلکي ودې او ښوونيز نصاب لوی رئيس د ترکيې د بنسټ د خدمتونو ستاینه وکړه او ياد پلاوي ته یې د افغانستان د پوهنې وزارت د تعلیمي سیستم په اړه معلومات وړاندې کړل.
نوموړي وویل چې د ترکیې د ښوونې او روزنې بنسټ زموږ په هېواد کې په زړه پورې فعالیتونه لري او ښه کیفیت لري.
د غه راز نوموړي له ياد پلاوي څخه وغوښتل چې د پوهنې وزارت او په ځانګړي ډول د ساينس او ټکنالوژۍ له څانګو سره دې لا زیاتې مرستې وکړي.
په ياده کتنه کې د نصاب رياست کارپوه احمدالله صافي هم خبرې وکړې او د دواړو هېوادونو د خلکو پخوانۍ دوستۍ ته په اشارې سره يې سيد جمال الدين افغان د دواړو وروڼو هېوادونو د دوستۍ د سمبول په توګه ياد کړ.
غونډه د دعائیې په لوستلو سره پای ته ورسېده.

تازه خبرونه

چهارشنبه ۱۴۰۳/۴/۲۷ - ۱۴:۱۹
Background image

د ولایتونو پوهنې کړنو ته لنډه کتنه

نیمروز، کندوز، سرپل:
د نیمروز کندوز او سرپل ولایتونو پوهنې ریاستونو کې د اداري او تدریسي بستونو ډکولو لپاره له نوماندانو څخه رقابتي آزموینه واخیستل شوه.

ننګرهار:
په بهر کې مېشت یو تن د. . .

چهارشنبه ۱۴۰۳/۴/۲۷ - ۱۴:۱۰
Background image

په لوګر ولایت کې د ۸ بابه ښوونځیو بیارغونې چارې بشپړې شوې

د لوګر ولایت پوهنې رئیس الحاج مولوي عبدالرحمن حمیدي، د یو لړ مراسمو په ترڅ کې چې د یاد ریاست مسئولینو، یو شمېر علماوو او د خلکو استازو پکې ګډون درلود، په دغه ولایت کې د ۸ بابه ښوونځیو. . .

سه‌شنبه ۱۴۰۳/۴/۲۶ - ۱۵:۳۹
Background image

دهرات ولايت پوهنې رئيس د اسلامي زده کړو له معین سره وکتل

د هرات ولایت پوهنې رئیس الحاج مولوي رحمت الله جابر د پوهنې وزارت د اسلامي زده کړو له معین الحاج مولوي کرامت الله آخندزاده سره د لیدنې پر مهال، د یاد ولایت د پوهنې ریاست د پرمختګونو او. . .

BACK TO NEWS