کونړ کې د حق الزحمه ښوونکو د ګمارنې په موخه آزموینه واخیستل شوه

پوهنې وزارت _کونړ: د کونړ ولایت د مرکز او ۵ ګرمسیرو ولسوالیو دحق الزحمه خالي بستونو لپاره له ۴۵۰ تنو نارینه او ښځینه کاندیدانو څخه د آزاد رقابت له لارې آزموینه واخیستل شوه.
په دغه آزموینه کې د نیمه لوړو زده کړو او لوړو زده کړو فارغانو ګډون کړی وو، چې د یوې رڼې پروسې په پایله کې به د تدریسي رشتې مطابق وړ او مسلکي کسان د حق الزحمه ښوونکو په توګه د یاد ولایت په مرکز او ولسوالیو کې پر دندو وګمارل شي.
د کونړ د پوهنې ریاست تدریسی مرستیال عبدالقهار اخوند زاده د آزموینې ګډونوالو ته د بشپړ شفافیت ډاډ ورکړ او ژمنه یې وکړه، چې د یو تن حق به هم نه تلف کېږي.
د آزموینې ګډونوالو د دری، پښتو، انګلیسي، ، علوم دیني ، ساینس او ټولنیزو علومو په څانګو کې آزموینه ورکړې، چې د تحصیلي څانګو مطابق به وړ او مسلکي کسان پر دندو وګمارل شي.