مروری بر چند خبر کوتاه از معارف ولایات

ننگرهار:

یک نهاد خیریه در ولایت ننگرهار، برای ده باب مکتب ولسوالی پچیراگام آن ولایت، ۵۰ تخته خیمه،۵۰ تخته فرش، ۵۰ عدد تخته درسی و برخی وسایل آموزشی را کمک نمود.

درچند ولایت:

برای یک هزارو ۲۷۱ تن معلمین و کارمندان اداری مکاتب و مدارس ولایت های: بلخ، نورستان، کابل و جوزجان از سوی وزارت معارف به همکاری نهادهای همکار، سیمینار های ارتقای ظرفیت و میتودیک برگزار گردید.

کاپیسا:

مولوی محمد فرید حقانی رئیس معارف ولایت کاپیسا، از لیسه اناثیه خم زرگر ولسوالی حصه اول کوهستان آن کاپیسا نظارت نمود.

هرات:

امتحان رقابتی بست‌های خالی کارمندان تدریسی، اداری و کارکنان‌ خدماتی مدارس و لیلیهٔ های مربوط آن در ریاست معارف ولایت هرات، از سوی هیئت مؤظف اخذ گردید.

سرپل:

مولوی محمد رحمانی رئیس معارف ولایت سرپل امور تدریسی و اداری لیسه های پسرانه قراغو و بهسود مرکز آن ولایت را نظارت نمود.