دیدار معین تضمین کیفیت وزارت معارف با منسوبان ریاست معارف ولایت هرات

محترم الحاج مولوی عبدالخالق صادق، معین تضمین کیفیت وزارت معارف، در جریان یک سفر کاری به ولایت هرات با آمرین، مدیران و کارمندان ریاست معارف آن ولایت دیدار کرد.
معین محترم تضمین کیفیت وزارت معارف در این دیدار، ضمن قدردانی از تلاش‌های منسوبان ریاست معارف ولایت یاد شده، از آنان خواست تا در راستای بلند بردن کیفیت خدمت‌رسانی به مردم، رسیدگی بهتر به امور مراجعین، اطاعت از اوامر مقامات ذی‌صلاح و تقویت هماهنگی‌های بیشتر میان بخش‌های مختلف، تلاش‌های لازم را انجام دهند.
در اخیر، محترم مولوی محمد رحمانی، رئیس معارف آن ولایت، پیرامون فعالیت‌ها و برنامه‌های ریاست مربوطه اش معلومات لازم ارائه کرده و از حمایت‌های همیشگی وزارت معارف در زمینهٔ تطبیق پلان ها و برنامه های معارف در ولایت مذکور به نیکی یاد کرد.