برگزاری رقابت بزرگ سیرت‌النبی ﷺ میان ۱۳۵۰ تن شاگرد در ولایت کندز
ریاست معارف ولایت کندز، با همکاری اداره فکری و فرهنگی الاعتصام، رقابت بزرگ سیرت‌النبی ﷺ را میان شاگردان ولسوالی‌های دشت ارچی و کلباد برگزار کرد که در آن حدود ۱۳۵۰ شاگرد اشتراک کرده بودند.
این رقابت با حضور مسوولان معارف آن ولایت، از سوی اعضای هیئت علمی به‌گونه روشن و شفاف برگزار شد و به‌منظور تشویق شاگردان، به برنده‌گان مقام‌های اول تا بیستم، جوایز ارزشمندی از جمله کمپیوتر، بایسکل، ساعت دستی فجر و هدایای دیگر اهدا شد.
