د لغمان ولایت پوهنې ریاست په انګړ کې یو محراب جومات جوړېږي
د لغمان ولایت د والي شيخ شېراحمد حقاني او پوهنې رئيس مولوي شاه جهان ساجد له لوري، د یاد ولايت پوهنې رياست انګړ کې د یو محراب جومات بنسټ ډبره کېښودل شوه.
د پوهنې رئيس په وينا، ياد جومات به په ١٤٣ متره مربع ځمکه کې جوړ شي، چې د شاوخوا ٢٠٠ تنو لمونځ کوونکو ظرفيت به ولري.
نوموړي دغه راز زياته کړه، د همدغه جومات د جوړېدو لګښت يو مېليون افغانۍ اټکل شوى، چې د یاد ولايت د یو تن ديني عالم حاجي عبدالوکيل رسولي له خوا ورکول کېږي.
