غزني ولایت کې د ۱.۸ مېلیونه افغانیو په لګښت د یو باب دیني مدرسې نوې ودانۍ پرانیستل شوه
د غزني ولایت زنخان ولسوالۍ په راحتخېل سیمه کې د "شهداء الصالحین" دیني مدرسې نوې ودانۍ، د یادې ولسوالۍ پوهنې مسئولینو لهخوا په رسمي ډول افتتاح او ګټې اخیستنې ته وسپارل شوه.
یاده مدرسه د ۱.۸ مېلیونه افغانیو په لګښت د پوهنې یوه همکار بنسټ له لوري تمویل شوې ده.
دغه ودانۍ ۶ درسي خونې، د لمریز برېښنا فعال سیسټم او نورې اړینې اسانتیاوې لري، چې د ۱.۵ جرېبه ځمکې په مساحت کې جوړه شوې ده.
د پوهنې مسئولینو په وینا، د دغې مدرسې له جوړېدو اساسي موخه د ښوونیزو اسانتیاوو پراختیا، د معیاري زدهکړې چاپېریال رامنځته کول او د دیني زدهکړو ترویج دی او په پایله کې د سیمې زدهکوونکو لپاره د دیني زدهکړې یو مناسب فرصت برابر شو.
