په ننګرهار ولایت کې د یو باب ښوونځي ودانۍ ګټې اخیستنې ته وسپارل شوه
د پوهنې وزارت د استخدام رئیس مولوي محمد صادق، د ننګرهار ولایت پوهنې رئیس مولوي عزیزالله مصطفی او مسئولینو په داسې حال کې چې د یاد ولایت د بهسودو ولسوالۍ ګڼ شمېر علماء کرامو او د خلکو استازو ګډون کړی و، په همدغه ولسوالۍ کې د سمیع الله ریحان ښوونځی بیاځلې پرانیست.
دغه ښوونځی شپږ درسي ټولګي او نور اړین ملحقات لري.
د ياد ولايت پوهنې رئيس ژمنه وکړه، د دغه ولايت ټول هغه ښوونځي چې ترميم ته اړتيا لري، د پوهنې وزارت له بوديجې، د همکارو بنسټونو په مالي ملاتړ او يا هم د خلکو په مرسته رغول کېږي.
د سيمې خلکو د ياد ښوونځي بيارغونې په برخه کې د پوهنې وزارت له پاملرنې ستاينه وکړه.
