کندوز کې د کلیوالي ټولګیو ښوونکو ته روزنیز ورکشاپ جوړ شو
د پوهنې وزارت_ کندوز: ـ د کندوز ولایت د مرکز اړوند ، خان آباد، علي آباد، او چاردرې ولسوالیو د کلیوالي ټولګیو ۲۱ تنو ښوونکو ته د فعالو زده کړو تګ لارې اړوند د ظرفیت لوړونې ۱۴ ورځنۍ ورکشاپ جوړ شو.
دغه ورکشاپ د سویدن موسسې له لوري جوړ شوی، چې د محلي زده کړو ښوونکو ته به د فعالو زده کړو تګ لارې اړوند د علمي او مسلکي ظرفیت لوړونې،د درسي میتودونو د زده کړې او د نویو ښوونیزو مېتودونو په اړه به ګډونوالو ته لازم مالومات ورکړل شي.
د کندوز د پوهنې رییس د ورکشاپ د ګډونوالو نه غوشتنه وکړه چې له دې فرصت څخه د سالمې استفادې تر څنګ ددرسي کیفیت ته هم زیاته توجه وشي او هم یې له استادانو غوښتنه وکړه چې په ټاکلي وخت زده کړو ته دوام ورکړي .
نوموړي زیاته کړه، چې د سویدن او نورو همکارو موسسو په مرسته به د یادو روزنیزو ورکشاپونو لړۍ د کندوز ولایت نورو سیمو ته هم وغځوي، چې پرمټ به یې ګڼ شمېر ښوونکي له مسلکي ښوونې او روزنې برخمن شي.
