په سرپل ولایت کې د یو باب دارالعلوم لیلیه پرانیستل شوه
په سرپل ولایت کې د رحمانيه دارالعلوم نوې لیلیه، د یاد ولايت د پوهنې مسئولينو له خوا پرانیستل شوه.
دغه لیلیه د ۵۰ تنو زده کوونکو ظرفیت لري، چې د پوهنې وزارت له خوا جوړه شوې ده.
د ياد دارالعلوم د لیليې پرانیستلو پر مهال، مسئولينو او علماوو په خپلو خبرو کې له زده کوونکو وغوښتل، چې خپلې زده کړې په پوره مينه او اخلاص سره ترلاسه کړي، ترڅو په راتلونکي کې د خپل هېواد او خلکو لپاره د لوى خدمت جوګه شي.
له بلې خوا د همدغه دارالعلوم زده کوونکو هم د زده کړو د آسانتیاوو برابرولو په برخه کې د پوهنې وزارت د مشرتابه له هڅو او پاملرنې مننه وکړه.
