تاسیس یک باب مکتب برای اطفال کوچی‌ها در ولایت لوگر
وزارت معارف، لوگر: مکتب ابتدایه الحاج میر علم خان صدیق‌خیل برای کودکان کوچی‌ها در منطقه صدیق‌خیل شهر پل علم ولایت لوگر تاسیس گردید.
مکتب متذکره به اساس در خواست بزرگان شریف کوچی‌ها بعد از تأیید وزارت معارف تاسیس گردیده است.
با تأسیس این مکتب درسال ۱۴۰۰ تعلیمی برای حدود ۳۰۰ اطفال کوچی زمینه آموزش مساعد خواهد گردید.
سید عزیز احمد هاشمی رییس معارف ولایت لوگر از تأسیس این مکتب استقبال کرده و از ساکنان منطقه صدیق‌خیل خواست که در سال تعلیمی جدید جهت شمولیت فرزندان شان به مکتب توجه جدی نمایند.
در حال حاضر در ولایت لوگر برای اطفال کوچی‌ها ۱۷ مکتب به شمول یک مدرسه دینی وجود دارد که بیشتر از ۲۰۰۰ اطفال کوچی‌ها در آن مصروف آموزش هستند.
گفتنی است که از آغاز سال تعلیمی ۱۳۹۹ در ولایت لوگر ۵ باب مکتب دخترانه و پسرانه تاسیس گردیده است.
