تاسیس یک باب مکتب جدید در ولایت دایکندی

به اساس پیشنهاد ریاست معارف ولایت دایکندی و منظوری مقام محترم وزارت معارف مکتب آبتدایئه علمدار نینوا در ولسوالی اشترلی ولایت دایکندی تاسیس شد. 
محفلی که بدین مناسبت در تدویر گردیده بود، برعلاوه ولسوال ، مسئوولین ریاست معارف، محاسن سفیدان،اهالی منطقه، استادان وشاگردان نیز حضور داشتند.
محفل با تلاوت چند از کلام الله مجید آغاز ومتعاقبآ مسئولین هر کدام با النوبه پیرامون موضوع صحبت همه جانبه نموده، تاسیس مکتب یاد شده را به شاگردان واهالی قریه خوشک تبریک عرض داشته وآنرا یک گام نیک در راه پیشرفت معارف عنوان کرده از استادان ومسوولین مکتب خواهان توجه بیشتر شان را درجهت تعلیم وتربیه اطفال گردیدند.
قابل یاد اوری که برای اعمار تعمیر مکتب متذکره سه جریب زمین ازطرف اهالی منطقه در اختیار ریاست معارف ولایت دایکندی قرار داده است تا اطفال قریه متذکره ازتعمیر اصلی ومجهز مستفید گردد.
گفتنی است که با تاسیس مکتب مذکور زمینه آموزش برای صد تن اطفال قریه خوشک که از نعمت سواد محروم بودند مهیا گردیده است.