روند تطبیق واکسین کرونا در ریاست معارف ولایت سرپل

وزارت معارف، سرپل: روند تطبیق واکسین کرونا در ریاست معارف ولایت سرپل با حضور قربانمراد "مراد" والی ولایت سرپل، در حال که کارمندان ریاست معارف، مسوولین ریاست صحت عامه، نماینده گان دفتر یونسیف و سازمان صحی جهان مقیم سرپل اشتراک داشتند، آغاز گردید.

سرپرست ریاست معارف ولایت سرپل از راه اندازی تطبیق واکسین ویروس کرونا برای کارمندان معارف در این ولایت ابراز خرسندی نموده و از تمام منسوبین ریاست معارف خواست تا با تطبیق واکسین مذکور، از رهنمودهای ریاست صحت عامه نیز پیروی کنند.

همچنان موصوف از توجه رهبری مقام ولایت و ریاست صحت عامه اظهار سپاس و قدردانی نموده یاد آور شد که تطبیق واکسین کرونا برای کارمندان و پرسونل ریاست معارف در مرکز و ولسوالی ها عملی میشود.