معین محترم مالی و اداری وزارت معارف عازم ولایت تخار شد
محترم الحاج مولوی صبغت‌الله وصیل، معین مالی و اداری وزارت معارف همراه با هیئت معیتی شان به ولایت تخار سفر نموده و با مسئولان معارف آن ولایت دیدار نمودند.
سپس معین مالی و اداری وزارت معارف در همراهی با محترم الحاج مولوی محمد اسماعیل ابو احمد، رئیس معارف آن ولایت به ولسوالی رستاق سفر رفته، ضمن بررسی اوضاع تعلیمی ولسوالی یاد شده با مسئولین معارف آن جا نیز دیدار و گفتگو نمود.
وی در جریان این دیدار، ضمن ابلاغ پیام محترم الحاج مولوی حبیب‌الله آغا سرپرست وزارت معارف به منسوبان معارف و شاگردان نهاد های تعلیمی ولسوالی رستاق، تأکید کرد که روند آموزشی باید در چارچوب پالیسی‌ها و مقررات وزارت معارف تطبیق و پیش برود.
در ادامه این دیدار، مسئولان معارف ولایت تخار تشریف آوری معین وزارت معارف را به آن ولایت خیر مقدم گفته و در رابطه با تطبیق پلان ها و هدایات رهبری محترم به هیئت اطمینان دادند.
