په لوګر کې د لیک لوست زده کړې ۳ کورسونه فعال شول

په لوګر ولایت کې، له زده کړو  بې برخو۱۳۰ ماشومانو ته د لیک لوست زده کړې ۳ کورسونه فعال او پرانیستل شول.  
دا کورسونه د پوهنې ریاست د لیک لوست زده کړې آمریت په هڅو جوړ شوي، چې تر ۹ میاشتو پوری به دوام وکړي.
د یادو جوړ شویو کورسونو څخه یی ۲ د مرکز پل علم د التمور او یو بل د برکي برک ولسوالۍ د پندې په سیمو کې جوړ شوي. 
د نوموړو کورسونو په جوړولو سره،  د ۳ کلیو ۱۳۰ له زده کړو پاتې نجونو او هلکانو ته د زده کړو مناسب خوندي چاپیریال زمینه برابره شوه. 
د یادو کورسونو ښوونکو او زده کوونکو ته، درسي کتابونه او درسي  توکي هم د پوهنې ریاست د لیک لوست زده کړې آمریت له خوا چمتو او وېشل شوي دي.  
دا په داسې حال کې ده، چې له دې مخکې په خروار ولسوالۍ کې د لیک لوست زده کړو ورته ۵ کورسونه هم فعال شوي دي.