د زابل ولایت فرصت ښوونیز مرکز کې کمیپوټر لب فعال شو
د پوهنې وزارت_زابل: د زابل ولایت اړوند قلات ښار کې د فرصت خصوصي ښوونیز مرکز له لوري د نورو زده کړو وړاندې کولو ترڅنګ د کمپیوټر لب پرانسته هم وشوه چې له دې وروسته به زده کوونکو په دې برخه کې هم په وړیا ډول سره زده کړې وکړي .
په هغه ِغونډه کې چې په همدې دې موخه د فرصت ښوونیز مرکز په انګړ کې جوړ شوي د زابل ولایت د پوهنې رییس ترڅنګ د ولایتي شورا رییس مدنی فعالانو ځوانانو او د دې مرکز زده کوونکو برخه درلوده .
د پوهنې رییس نصر الله زاهد په خپلو خبرو کې تر دامهاله د پوهنې برخه کې د فرصت ښوونیز مرکز هڅې وستایلې او زیاته يې کړه چې په وړیا ډول سره د غریبو ځوانانو او زده کوونکو ته درس ورکوي .نوموړي وویل موږ د ټولو خصوصي زده کړه ییزو مرکزونو ملاتړ کوو او وخت پروخت يې د لا پرمختګ لپاره له ښوونیز بهیر څخه نظارت هم کوو ترڅو ټولنې ته ښه زده کړه وړاندې شي
ورپسې د زابل د ولایتي شورا رییس محترم حاجي عطاجان حقبیان او د فرصت ښوونیز مرکز مشر هر اړخیزې خبرې وکړې
په دې کمپیو لب کې په دریو وختونو کې ۱۲۰ زده کوونکي کولای شي چې زده کړه وکړي د دې مرکز د مسؤلینو په خبره چې کوښښ کوي ترڅو زیاتو نورو زده کوونکو ته لاهم د ښې زده کړې زمینه مساعده کړي.
