د خوست ولایت د ضیاءالدین لېسې زده کوونکو ته د پاکو اوبو او سولري برښنا اسانتیا رامنځته شوه

د پوهنې وزارت_خوست: له معارف سره د ولسي همکاریو پر دوام د خوست ولایت ګربزو ولسوالۍ د پوهنې شورا لخوا ددې ولسوالۍ د ضیاءالدین لېسې زده کوونکو ته د پاکو اوبو او سولري برښنا اسانتیا رامنځته شوه.
همدا راز د هارون خېلو لېسې زده کوونکو ته ددې سیمې یو تن با احساسه ځوان محمد داود په خپل شخصي لګښت د سولري برښنا د برابرولو همکاري وکړه.
په دې مرستو سره په دغه ښوونځیو کې د زرګونه زده کوونکو لپاره د پاکو اوبو او برښنا د نه شتون مشکل حل شي.
له معارف سره مرسته صدقه جاریه ده !