شماری از شاگردان یک مکتب در ولایت کندهار در رقابت‌های بین‌المللی ریاضی مدال کسب کردند
۳۹ تن از شاگردان نخبه لیسه افغان - ترک شاه حسین هوتک ولایت کندهار، در رقابت‌های بین‌المللی ریاضی سال ۲۰۲۶ میلادی که به میزبانی کشور تایوان برگزار شده بود، دستاوردهای چشم‌گیری کسب کرده و مدال‌های طلا، نقره و برنز را از آن خود کردند.
در این رقابت‌ها ۳ تن از شاگردان مدال طلا، ۱۶ تن از شاگردان مدال نقره، ۲۰ تن از شاگردان مدال برنز کسب کردند.
در محفلی که به‌منظور قدردانی و تشویق از دستاوردهای این شاگردان برگزار شده بود، مسوولان معارف، آمران و شماری از معلمان مکاتب ولایت کندهار اشتراک کرده و دستاورد بین‌المللی شاگردان را گامی پرافتخار برای نظام معارف کشور دانستند.
اشتراک‌کنندگان همچنان از تلاش‌ها، زحمات و توانایی‌های علمی آنان قدردانی کردند.
