د میدان وردګ د پوهنې کارکونکو ته د ظرفیت لوړونې ورکشاپ پیل شو
د پوهنې وزارت_میدان وردګ: د میدان وردګ ولایت پوهنې ریاست اړوند د برنامو آمرینو، مدیرانو او ښاري آمريت مسؤلينو ته د جنسیت په نظر کي نیولو سره د پلان جوړونې یو ورځنۍ ورکشاپ پیل شو.
د ورکشاپ ګډونوالو کارکوونکو ته د ظرفیت لوړونې په موخه د پلان جوړونې په برخه کې روزنه ورکول کېږي.
د میدان وردګ د پوهنې ریاست اداري مرستيال د خپلو خبرو پر مهال وویل ، چې د دغه ورکشاپ د جوړولو موخه د کارکوونکو وړتیا لوړول دي. هغه زیاته کړه، چې د خپل کلني کاري پلان له مخې د پوهنې کارکوونکو او ښوونکو د وړتیاوو لوړولو او روزنې ته خاصه پاملرنه کړې ده.
د پوهنې ریاست مرستیال زیاته کړه :پلان او بریا سره تړلي دي او هر هغه کسان که وغواړي د ژوند په اوږدو کي د بریا چانس تر لاسه کړي نو لازمه ده چي یو منظم او منسجم پلان جوړ او خپل کارونه په سمه توګه پر مخ یوسي، همدارنګه یی د ورکشاپ د ګډونوالو ته سپارښتنه وکړه ترڅو له دغه ډول رامنځته شوي فرصت ګټه پورته کړي.
