بامیان ولایت کې د یوې دیني مدرسې جوړولو لپاره څه د پاسه نیم مېلیونه افغانیو په لګښت یو قطعه ځمکه وقف شوه
د امام جعفر صادق دیني مدرسې جوړولو لپاره یو قطعه ځمکه، د بامیان ولایت د ۲ تنو علم پروره اوسېدونکو عصمت الله او محمد هاشم لخوا د ۵۰۰زره افغانیو په لګښت چې ۳۰۰ متره مربع مساحت لري، واخیستل شوه، او د همدغې ځمکې رسمي سند د یو لړ مراسمو په ترڅ کې د بامیان پوهنې ریاست ته وسپارل شو.
دا په داسې حال کې ده، چې څه موده وړاندې د یاد ولایت د سرخدر کلي خلکو هم د خاتم الانبیاء «علیهم السلام» مدرسې جوړولو لپاره پوهنې وزارت ته ۲ جرېبه ځمکه وقف کړې وه.
