د آزموینو ملي ادارې پلاوي له بدخشان ولایت څخه لیدنه وکړه
![sdfg](/sites/default/files/2024-06/448959441_444095411951721_3700450859476835524_n.jpg)
د آزموینو ملي ادارې پلاوي د ١٤٠٣ لمريز کال د کانکور آزموينې لپاره د لازمو تياريو او ترتيباتو په موخه، بدخشان ولایت ته رسمي سفر وکړ.
یاد پلاوي د بدخشان ولایت د پوهنې له مسئولينو سره د لیدنې پرمهال، په دغه ولایت کې د کانکور آزموینې د ترسره کولو لپاره پر لازمو آسانتیاوو او چمتووالي خبرې اترې وکړې.
په دې کتنه کې د آزموینو ملي ادارې پلاوي، د ياد ولايت د کانکور آزموينې د پنځه ګونو ناحیو استازي د پوهنې رياست مسئولينو ته ور وپيژندل او په دې برخه کې يې د پوهنې رياست له مشرتابه څخه د همکارۍ غوښتنه وکړه.
له بلې خوا د پوهنې ریاست رهبري کمېټې، د کانکور آزموینې په اخیستلو کې د همکارۍ او همغږۍ ډاډ ورکړ.