د دایکنډي ولایت کې په یوه دیني مدرسه کې د درسونو بهير پيل شو
د دایکنډي ولایت میرامور ولسوالۍ په سنګان کلي کې د یو باب دیني مدرسې درسونو بهير، د پوهنې رئیس، دیني علماوو، مشرانو او د زده کوونکو د والدینو په ګډون، د یو لړ مراسمو په ترڅ کې پيل شو.
د سيمې خلکو د یادې مدرسې د ودانۍ په موخه، دغه مدرسې ته ځمکه ځانګړې او د درسونو د پيل په مراسمو کې يې، د دايکنډي پوهنې رياست له مسئولينو وغوښتل، تر څو د مدرسې لپاره د ودانۍ په جوړولو کې جدي هلې ځلې وکړي.
د دايکنډي پوهنې رئيس قاري عنايت الله سهار، د يادې ولسوالۍ د خلکو له دوستۍ څخه د مننې ترڅنګ ژمنه وکړه، چې د دغه دیني مدرسې په رسمي کولو او ترميمولو کې به پوره همکاري وکړي.
