د لغمان عالي دارالعلوم ته سل ټوکه قرانکریم ډالۍ شو
پوهنې وزارت، لغمان : د لغمان ولایت د ټولنیزو چارو مرستیالې بریښنا صافۍ له لوري ، په داسې حال کې چې د لغمان ولایت د پوهنې ریاست تدریسي مرستیالې میرمن بریښنا خادم هم شتون درلود، د لغمان عالي دارالعلوم ښځینه زده کوونکو ته سل ټوکه قرآنکریم ډالۍ کړ.
د پوهنې ریاست مرستیالې د دیني علومو زده کړه، د هیواد ځوانانو لپاره خورا ارزښتناکه وګڼله او د ولایتي چارواکو دا کړنه یې وستایله.
همدا راز د ولایت له مقام څخه وغوښتل شول، چې د ستونزو د حل په برخه کې د دیني زده کړو له بنسټونو ملاتړ وکړي ، چې په دې برخه کې د آغلې صافۍ لخوا د لا زیاتو همکاریو ژمنه وشوه.
