د لغمان ولایت د مدارسو زده کوونکو ته خوراکي مواد ووېشل شول
د پوهنې په برخه کې یو همکار بنسټ، د لغمان ولایت د ۲۵ بابه دیني مدارسو اړوند ۵۰۰ تنو زده کوونکو سره د خوراکي موادو مرسته وکړه.
د خوراکي موادو د وېش په مراسمو کې، د یاد ولایت د مقام مرستیال، د پوهنې رئیس او یو شمېر نورو مسئولینو هم ګډون کړی وو.
د لغمان ولايت پوهنې رئیس مولوي شاه جهان ساجد له یاد مرسته کوونکي بنسټ څخه د مننې په ترڅ کې وويل: د دغو خوراکي موادو ټوليز ارزښت ٨٠ زره امريکايي ډالرو ته رسېږي.
نوموړي زياته کړه، چې په دغو خوراکي مواد کې اوړه، وريجې، غوړي، نخود، لوبيا او بوره شامل دي.
د يادونې وړ ده، چې دغه خیریه بنسټ له دې وړاندې هم په څلورو نورو مدارسو باندې ديني کتابونه وېشلي او په راتلونکي کې يې هم د خپلو مرستو د دوام خبر ورکړ.
