د لوګر د ازرې ولسوالۍ ښوونکو او زده کوونکو ته درسي توکي ولېږل شول

د پوهنې وزارت_لوګر: د لوګر د ازرې ولسوالۍ د ښوونځیو د لومړنیو ټولګیو ۴۲ ښوونکو او ۱۱ سوه زده کوونکو ته درسي توکي ولېږل شول.
دغه درسي توکي څه موده مخکې د یونیسف موسسې مرسته کړې وه، چې شاوخوا سل زره افغانۍ ازرښت لري.
په لېږل شویو درسي توکو کې ۴۱ کیټه د زده کوونکو قرطاسیه، ۲۶ کیټه د زده کوونکو بکسې او ۴ کیټه د ښوونکو قرطاسیه شامل دي.
یاد مواد به تر رسېدو وروسته د لومړنیو ټولګیو په ۴۲ ښوونکو او په ۱۱ سوه زده کوونکو د یوې اوونۍ په ترڅکې وویشل شي.
د لوګرد پوهنې رئیس عبدالوکیل کلیوال وایي، چې په لېږل شویو درسي مواد کې د کتابونو بیکونه،کتابچې، قلمونه، پنسلونه، پنسل پاکونه، قلم تراشونه، رنګې او یو شمېر نور اړین درسي توکي شامل دي.
د پوهنې رئیس زیاته کړه، چې د یادو درسي موادو په ویشلو سره به د یادې ولسوالۍ د ښوونځیو د لومړنیو ټولګیو د ښوونکو او زده کوونکو د قرطاسیې ستونزه هواره شي.
د یادونې وړده، چې له دې مخکې هم د لوګر د مرکز او ټولو ولسوالیو د ښوونځیو د لومړنیو ټولګیو پر ښوونکو او زده کوونکو د قرطاسیې مرسته ویشل شوې ده.