د ننگرهار د ښوونځيو زده کوونکو ته د قرطاسیې او روغتیایي کیټونو ویش پیل شو

media-moe
پنجشنبه ۱۳۹۹/۱۰/۲۵ - ۱۱:۵۹
د ننگرهار د ښوونځيو زده کوونکو ته د قرطاسیې او روغتیایي کیټونو ویش پیل شو

دد پوهنې وزارت، ننګرهار: د ننګرهار ولایت د تودو سیمو ښوونځیو زده کوونکوته د قرطاسیې او روغتیایي کیټونو ویش پېل شو.

په هغه غونډه کې چې په همدې موخه جوړه شوي وه د پوهنې رییس حسیب الله شینواري په خپلو خبرو کې د یونیسف ادارې نه د مننې په څرګندولو سره وویل: یونیسف اداره په خورا سختو او اړمنو شیبو کې د پوهنې ریاست لاسنیوی کوي او هر چېرته چې د ماشومانو د زده کړو ستونزه مطرح کیږي یونیسف اداره یې مرستې ته چمتو وي.

پوهنې ریس د اړوندو ولسوالیو د پوهنې له آمرینو وغوښتل چې د قرطاسیې او نورو اړینو توکیو په ویش کې شفافیت او توازن ته جدي پاملرنه وکړي او د سرغړونې په صورت کې به قانوني پوښتنه کیږي.

همدارنګه په ختیزو ولایتونوکې د یونیسف ادارې د پروګرامونو مشرې میرمن انیتا حیدري خبرې وکړې او ویې ویل د پوهنې ریاست سره د ښې همغږۍ له امله د دوی د ادارې کارونه په سمه توګه پر مخ روان دي هغي ډاډ ورکړ چې راتلونکې کې به هم د یونیسف ادارې مرستې د دې سیمې ماشومانو ته دوام وکړي.

د یاده ولو وړ ده چې مرسته شوي قرطاسیه او روغتیایي کیټونه به د ننګرهار ولایت د شلو ولسوالیو د تودو سیمو خواوشاه سل زرو زده کوونکو ته له لومړي ټولګي څخه تر دریم ټولګي پورې او روغتیایی کیټونه به تر سلو زرو زیاتو نجونو زده کوونکو او ښځینه ښوونکو ته وویشل شي.

تازه خبرونه

پنجشنبه ۱۳۹۹/۱۱/۲ - ۱۰:۱۵
Background image

د پکتیا په ولایت کې دنجونو لپاره ژمنۍ کورسونه پرانیستل شوه

د پوهنې وزارت، پکتیا: د پکتیا ولایت مرکز ګردیز کې د نسوان په عالي لېسه کې د حماس خیریه بنسټ په مالي لګښت جوړ شوی ژمنۍ کورس د یاد ولایت د پوهنې رییس استاد کوچي ځاځي او د حماس خیریه بنسټ. . .

سه‌شنبه ۱۳۹۹/۱۰/۳۰ - ۱۵:۱۳
Background image

د لغمان پوهنې ریاست کې د یو باب جومات د جوړیدو چارې پیل شوې

د پوهنې وزارت، لغمان: د لغمان پوهنې ریاست په انګړ کې د یو محراب مسجد د بنسټ ډبره د ولایت د مقام مرستیال الحاج شهزاده مظلوم يار، د پوهنې رییس عبدالله حمیدي او د یو شمېر ادارو د مسوولینو. . .

سه‌شنبه ۱۳۹۹/۱۰/۳۰ - ۱۴:۲۸
Background image

د لوګر په محمدآغې ولسوالۍ کې د نجونو یوه ښوونځي ته ودانۍ جوړه شوه

د پوهنې وزارت، لوګر: د لوګر ولایت د محمدآغې ولسوالۍ د جرنیل کلاه په نوم د نجونو لومړني ښوونځي ته نوې ودانۍ جوړه او ګټې اخیستنې ته وسپارل شوه.

یاد ښوونځۍ‎ د کلیو، بیارغاونې او پراختیا. . .

BACK TO NEWS